怕醜Fresh Grad外賣都唔敢叫？職場新人5招鍛練膽量增競爭力

不少 Fresh Grad 初入職場都會緊張不安，表現得內斂怕醜，又或是性格本來就比較內向，似足怕醜草，遇人就縮！有網民就於討論區分享，公司初來乍到的「Fresh Grad怕醜仔」疑似不敢打電話叫外賣，令樓主驚訝表示：「而家D小朋友係咪真係咁細膽呀？」

口窒窒 fresh grad：怕麻煩定怕醜？ 

有網友於討論區分享，公司有位新入職的 Fresh Grad 男同事，感覺是怕醜仔 feel，「留意到佢只會用外賣APP 去買飯，一係就搭單一齊叫。咁岩今日負責叫外賣果位同事放假，我地就叫佢負責叫。點知佢搞左一輪都未叫到，最後同我地講話佢用左 APP 叫外賣，但係外賣APP 叫貴好多囉......問佢點解唔打去間餐廳叫，佢話因為打去叫好麻煩喎！但有同事講話佢平時同客傾電話都甩甩cut cut、口窒窒咁樣，話唔定係怕醜仔因為驚，所以唔敢打電話去。」

網友紛紛留言回應：

網民A：「隔住部電話都咁怕羞？」

網民B：「會唔會係佢想儲積分？」

網民C：「年代唔同喇，依家興用app，又無義務要幫大家慳錢嘅，總之叫到外賣就得啦。」

網民D：「佢份工唔關勇氣事咪由得佢lor。」

（按此看原文）

人際關係大師 Dale Carnegie 說過：一個人的成功有15％是由於個人的技術能力，而剩下的85％則是靠良好的人際關係和為人處世的能力。雖然不知道怕醜新同事是否因為驚而不打電話叫外賣，但是於「識人好過識字」當道的職場，表現怕醜絕對是十分輸蝕！容易被當透明，甚至因為不敢爭取而錯失很多機會。不過膽量可以練出來，不妨試試以下小編為大家提供的5個方法～

1. 日常練膽法

 對於膽小的人來說，主動與人交談並非易事，不妨先從簡單的日常小事做起試試水溫，慢慢集（勇）氣～

• 主動說早晨

每天上班主動跟附近座位的同事說句：「早晨！」。一句簡單的問好，既可培養主動開口的習慣，又可拉近與同事的關係，一舉兩得。

• 向路人問路

下次要找路時，試試不用手機地圖，轉而詢問路人吧～跟陌生人說話可能更難為情，但「一次生，兩次熟」，大膽值將大大提升！

2. 向膽小原因靠攏

不少心理學理論都指出膽小並非天生，多是後天造成，換言之，只要找出膽小的原因，它是可以被克服的。而克服膽小的最佳方法就是擁抱恐懼，愈害怕的事情就愈需要刻意鍛練！例如愈怕演講，就愈要多嘗試，直至不再因公開說話而感到膽怯。

3. 練習說話＋身體語言表達

樓主指新同事有「怕醜仔feel」，應付客人時又「口窒窒」，怕醜人士大多不善表達，但偏偏說話與身體語言卻很誠實，能將你的緊張和害怕展露無遺！因此多練習說話，相信改善溝通能力可令你更有膽量開口～建議可以對着鏡子練習，順道觀察態勢語是否自然，並作出調整。交談時應該挺胸，並直視對方眼睛；要改掉眼神閃縮、緊張的小手等錯誤的習慣。

4. 增強自信心

膽小，很大原因是缺乏自信。五隻手指有長短，每人也有強弱項，宜多關注及發掘自己的優點與長處，忌放大不足。學會欣賞自己，相信自己會愈來愈強大，從而提升自信──一個自信的人肯定不會膽小！

5. 擴闊眼界及生活圈子

當一個人的閱歷愈豐富，接觸的人事物愈多，就會愈大膽。因此鼓勵大家持開放的態度去積極參與或體驗不同的活動，鍛練膽量之餘，更可大開眼界、同時改善交際能力。

（文章由 jobsDB 提供，原文請按此：怕醜Fresh Grad外賣都唔敢叫？職場新人5招鍛練膽量增競爭力）

文章轉載自I am…青年職學平台